[صديق رحمة]

[عبد الرحمن خليفة]

يا الله السلامة


وين فايز ود القاضي ؟

[صديق رحمة]

 عبد الرحمن خليفة, on Nov 1 2010, 02:57 PM, said:

وين فايز ود القاضي ؟

يا الله السلامة ، سلامة ، سلامة
أسمر جميل


فائز ود القاضي تجده داخل الفيديو في الدقيقة الثالثة و52 ثانية
    

[عبد الرحمن خليفة]

انت حاسبها بالثانية ..؟
بالجد أداء جميل  .. و طبعا يا صديق أنا  شفت الفيديو هذا قبل فترة طويلة بجرجرة اليوتيوب .. ( نظام تدخل تشوف  أغنية لمحمد الأمين  نتتهي الاغنية يقترح لك  تشوف اجمل أغنية سودانية و شوية يقرح لك حاجة فيها كلمة سوداني حتى يطلعك بجمل يقتل سوداني  بشوية يقترح لك ثعبان ضخم يتهم طفلة .. يعني تدخل بمحمد الامين تطلع باصلة ) .. أها انا طلعت بالبت و الاغنية دي .. وكانوا عندنا صهراتي و قلت العب بيهم شوية .. قلت ليهم شوفوا الفنانة السودانية دي ... بصوت واحد كلهم قالوا : دي زينة  بزيانوس و لا ما عارف ايه اسم ابوها .. المهم  طلعوا عارفين البنت و هي طالبة في كلية الدراما و الموسيقى في دمشق و شاركت في البرنامج المسخ الاسمه استار أكاديمي .. لكن صوتها للأمانة ينسجم تماما مع وجهها
جمال في جمال ... الف شكر على الفيديو



بس وين ود القاضي ؟

............
الموضوع ده دشليون مشاهد و لا رد واحد و السبب هو احمد الجبراوي  العامل زي بتاع الهيئة لافي العام ( الخط  بنمرو 1 علشان ما يشوفه الجبراوي و الشماريون يمتنعون (

[صديق رحمة]

أسمر جميل عاجبني لونو كحّل سواد الليل عيونو *** عالي النخيل ما ضقنا تمرو أسمر جميل ما حنّا عمرو جسمي العليل إستحلى جبرو شرْع الغرام حاير لأمرو *** أسمر جميل فتّان بريدو كل الخلوق تتمنى ريدو فن الدلال يا ناس بجيدو عقد القلوب منظوم بجيدو *** أسمر جميل فوق في سماهو كل الخلود ترغب ضياهو سهم اللحاف ساعة رماهو صاب القليب سالت دماهو *** أسمر جميل فاق في الوسامه صفوة جمال وجهو إبتسامه فوق الخديد عاجباني شامه ومن العيون ياالله السلامه *** أسمر جميل عاجبني لونو كحّل سواد الليل عيونو

<script language="Javascript1.2"></script>

[صديق رحمة]

 عبد الرحمن خليفة, on Nov 1 2010, 04:38 PM, said:

بس وين ود القاضي ؟

............
الموضوع ده دشليون مشاهد و لا رد واحد و السبب هو احمد الجبراوي العامل زي بتاع الهيئة لافي العام ( الخط بنمرو 1 علشان ما يشوفه الجبراوي و الشماريون يمتنعون (

ود القاضي موجود وحا يظهر في الوقت المناسب زي ظهورو في الثانية 52 والدقيقة تلاتة


وبمناسبة الشيخ الجبراوي ، أرجو الدخول للصفحة الرئيسة ومشاهدة اخر عضو     

[الطيب محمود النور]

أولا : نشكر  الحبيب ،صديق على حسن ، اختياره ، وذوقه الرفيع
ثانياً : ما استوقفني حقيقة أن هذه الأغنية من ألحان المطرب (الأمي) ، الذي لم يدرس الموسيقى أو يعكر مزاجنا بالفلسفة الموسيقية التي (يفلقنا ) بها جماعة ( نجوم الغد ) من شاكلة فلسفة التينور والهارموني و.... وهلمجرا ، ومع ذلك نرى في هذا الفيديو العزف يتم بواسطة النوتة الموسيقية الموضوعة أمام كل عازف ، مما يؤكد موهبة الرجل الفطرية في التلحين الذي يرقى الى مستوى العالمية.
مرة أخرى شكراً صديق.

[محجوب الباشا]

لك الشكر عزيزي صديق على هذا الاختيار الجميل ، وزي ما قال ود الخليفة "سمع وشوف" أو شئ من هذا القبيل.

بس ياخوي زولك دا مستكتر يمشي لحدي الحبيب وواقف في مكانه يردد ..

تعااااااااااااااااااااال يا أسمر ...

والله يا السودانيين حيرتونا       

ولك خالص الود

[الطيب محمود النور]

 محجوب الباشا, on Nov 1 2010, 07:34 PM, said:

  

بس ياخوي زولك دا مستكتر يمشي لحدي الحبيب وواقف في مكانه يردد ..

تعااااااااااااااااااااال يا أسمر ...

والله يا السودانيين حيرتونا       

ولك خالص الود

عزيزي محجوب ...صباح الخير
بعد إذن (صدِّيق ) .. نعمل تخريمة شوية


فعلاً يا محجوب ملاحظة جديرة بالاهتمام جعلتني في هذا الصباح استعيد سريعا بعضاً من كلمات أغانينا التي تشابه ذلك : ( مثلاً )
1- محمد الامين : تعال ما تبتعد قرِّب
2- وردي : يلاَّ وتعال يلاَّ
3- خضر بشير : ياقسيم الريد تعال ليا
4- حسن عطية : تعال شوف زفيري والعواطف

...الخ

[عماد محمد شريف]

 الطيب محمود النور, on Nov 2 2010, 07:59 AM, said:

عزيزي محجوب ...صباح الخير
بعد إذن (صدِّيق ) .. نعمل تخريمة شوية


فعلاً يا محجوب ملاحظة جديرة بالاهتمام جعلتني في هذا الصباح استعيد سريعا بعضاً من كلمات أغانينا التي تشابه ذلك : ( مثلاً )
1- محمد الامين : تعال ما تبتعد قرِّب
2- وردي : يلاَّ وتعال يلاَّ
3- خضر بشير : ياقسيم الريد تعال ليا
4- حسن عطية : تعال شوف زفيري والعواطف
...الخ

الأساتذه الأعزاء الطيب و محجوب
تحية طيبة
القصه ما كسل زي ما يتبادر للذهن والجيه حسب فهمي ما جيه (فيزيائيه) ان صح التعبير والمقصود تعال بمشاعرك صوبنا اي وجه مشاعرك صوبنا والدليل على ذلك بقية كلمات الاغنيه من عالي النخيل وما حنا عمرو واستحلى جبرو يعني وكت ما قدرنا وصلنا ليه يحن علينا وينزل من سماه عشان نقدر نصل (الحب دا خلو لينا )
بس الملاحظ ان صيغة المخاطبة (وكذلك في امثلة الطيب) مذكر يعني يمكن الكلمات بلسان واحده بتغازل في واحد اسمر زي حالتي كدا ودا يطلعني بعد حسن التعليل الفوق دا (كديس نطاط).

[الطيب محمود النور]

Quote

بس الملاحظ ان صيغة المخاطبة (وكذلك في امثلة الطيب) مذكر يعني يمكن الكلمات بلسان واحده بتغازل في واحد اسمر زي حالتي كدا ودا يطلعني بعد حسن التعليل الفوق دا (كديس نطاط).

حبيبنا عماد ....صباح الخير

مخاطبة الحبيبة بصيغة المذكر ، درج عليها الشعراء لدرء الشبهات ، ربما ينطبق ما ذكرته على أغاني البنات . والله أعلم

(تعال يا أسمر )

[صديق رحمة]

 الطيب محمود النور, on Nov 1 2010, 06:14 PM, said:

ومع ذلك نرى في هذا الفيديو العزف يتم بواسطة النوتة الموسيقية الموضوعة أمام كل عازف ، مما يؤكد موهبة الرجل الفطرية في التلحين الذي يرقى الى مستوى العالمية.

العزيز أستاذ الطيب
لكـ الشكر والتقدير على هذا التذوق الراقي
العزف على السلم الخماسي بالنسبة للعرب من الأشياء الصعيبة جداً ، ولقد لاحظت ذلكـ في أحدى مهرجان الأغنية العربية حيث إن الفرقة الموسيقية تقف وقوفاً كاملاً عند عزف أي إغنية سودانية وحتى الان لم أجد تفسيراً منطقياً لذلكـ الفعل سوى ان هذا النوع من العزف يتطلب مزيداً من التركيز (والله أعلم)  
ثانياً دعكـ عن الفرقة الموسيقية فالكورال خلف الفنانة زينة يستعين بكراسة لقراءة المقاطع رغم سهولة كلمات الأغنية مقارنة مع غنائنا الشعبي ،
ثالثاً لاحظ الشاشة الخلفية للإحتفال التي ترسم صورة السودان ثم تأتي بعبارة (أغنية سودانية على السلم الخماسي) فهو ضرب من الغناء بالنسبة للجمهور غريب رغم أن العالم كله يتجه حالياً نحو السلم الخماسي ...
رابعاً تجلت كما قلت قدرة الفنان الامي في صياغة اللحن بهذا السهل الممتنع ، وتجلت قدرة الشاعر (المساح أم عبيد عبدالرحمن) لست متاكداً في صياغة الكلمات بصورة جميلة راقية شفافة
أشكركـ جزيل الشكر على الملاحظات الثمينة

[صديق رحمة]

 محجوب الباشا, on Nov 1 2010, 10:34 PM, said:

بس ياخوي زولك دا مستكتر يمشي لحدي الحبيب وواقف في مكانه يردد ..
تعااااااااااااااااااااال يا أسمر ...

سعادة السفير الدكتور محجوب سلام عليكم
أضحكتني بهذه الملاحظة الطريفة أضحكـ الله سنكـ .... فالذهاب للحبيب من غير الباب الرسمي أو الصدفة المحضة كان فيما مضى يكلف الحبيب الولهان روحه ، فيبدو لي أن الشاعر قد أستاثر السلامة وأختار الطريق الأسهل  
وحمد لله على السلامة من العودة من دوحة الخير

[أشرف الشكري]

أسمر جميل عاجبني لونو كحّل سواد الليل عيونو *** عالي النخيل ما ضقنا تمرو أسمر جميل ما حنّا عمرو جسمي العليل إستحلى جبرو شرْع الغرام حاير لأمرو *** أسمر جميل فتّان بريدو كل الخلوق تتمنى ريدو فن الدلال يا ناس بجيدو عقد القلوب منظوم بجيدو *** أسمر جميل فوق في سماهو كل الخلود ترغب ضياهو سهم اللحاف ساعة رماهو صاب القليب سالت دماهو *** أسمر جميل فاق في الوسامه صفوة جمال وجهو إبتسامه فوق الخديد عاجباني شامه ومن العيون ياالله السلامه *** أسمر جميل عاجبني لونو [b]كحّل سواد الليل عيونو

<script language="Javascript1.2"></script>

منتدى الجمال عاحبنى لونو
مااحلى صديق الفى عيونو
منتدى جميل فوق فى سماهو
كل الخلود ترغب ضياهو
سهم صديق ساعة رماهو
صاب القليب سالت دماهو

كلمات/ ودالقاضى

[صديق رحمة]

 عماد محمد شريف, on Nov 2 2010, 08:30 AM, said:

القصه ما كسل زي ما يتبادر للذهن والجيه حسب فهمي ما جيه (فيزيائيه) ان صح التعبير والمقصود تعال بمشاعرك صوبنا اي وجه مشاعرك صوبنا والدليل على ذلك بقية كلمات الاغنيه من عالي النخيل وما حنا عمرو واستحلى جبرو يعني وكت ما قدرنا وصلنا ليه يحن علينا وينزل من سماه عشان نقدر نصل (الحب دا خلو لينا )

صديقي العزيز عمدة
أتفق معكـ في حديثكـ أعلاه وأضيف ان التلاقي بين الحبيب والمحبوب كان أمراً غاية في الصعوبة ويحتاج لحيل كثيرة لإنجازه ، فلو فكر جيل الحقيبة وما عقبه من اجيال في إكتشاف نظرية فيزيائية جديدة لكان أيسر لهم من إكتشاف حيل التلاقي والتي تنتهي دائماً بعدم الملاقاة ، ومن ورائع هذا الحرمان أننا نعمنا نحن جيل مابعد الحرمان بهذه الدرر الفريدة في نظم الإحساس
أما حسن التعليل الذي ذكرته فأحسب انه صحيح 100% وتعال يا أسمر ههههههههه
لكـ مودتي التي تعلمها والتي لاتعلمها

[صديق رحمة]

 الطيب محمود النور, on Nov 2 2010, 08:43 AM, said:

حبيبنا عماد ....صباح الخير

مخاطبة الحبيبة بصيغة المذكر ، درج عليها الشعراء لدرء الشبهات ،  

العزيز أستاذ الطيب
هذه حقيقة ، ولكن حتى مخاطبة الحبيب على صيغة المذكر هي حيلة متقدمة لجى اليها الولهى بعد قليل من الإنفتاح ، فقد كان قديماً يشار الى البنت برقم حرفها فليس هناكـ طريقة لذكر الحرف الاول من أسمها إلا عن طريق العدد ، وكما تعلم أن لكل حرف رقم (أ،ب، ت، ث) تدرج بالأرقام من 1 ، 2، 3 ،4 حتى عشرين ، ومن عشرين ينتقل العدد الى مضاعفات العشرة (ثلاثين أربعين ، خمسين حتى تسعين ، وبهذا تكون عدد الأعداد مساوية لعدد الحروف وهو مايعرف عن الصوفية (بعلم العدد) وهو علم معقد يحتاج لشفرات لتفكيك مدلولاته
قال الشاعر يصف حاله حينها
خمسيني ، شالت نومي جوز عيني


وقال اخر 15 ، 17 ، 18 كلهم فاتو مالي أنا أتأخر

وبرضو تقول لي السودانيين كسالى هههه

[صديق رحمة]

 أشرف الشكري, on Nov 2 2010, 10:16 AM, said:

منتدى الجمال عاحبنى لونو
مااحلى صديق الفى عيونو
منتدى جميل فوق فى سماهو
كل الخلود ترغب ضياهو
سهم صديق ساعة رماهو
صاب القليب سالت دماهو

كلمات/ ودالقاضى

العزيز ود الشكري
الأغنية دي حا تخلي ناس كتار يجلطو حاجات في ود القاضي
أصلو هو نحن سجلنها في المنتدى لانو مارق للربأ والتلاف     
تحياتي لكـ يا أسمر وجميل وفتان وفنان وكمان شاعر

[على رمرم]

والله ماحصل سمعتها بالعذوبة والحنان ده ، تقول لى ندى القلعة

[صديق رحمة]

 على رمرم, on Nov 2 2010, 03:21 PM, said:

والله ماحصل سمعتها بالعذوبة والحنان ده ، تقول لى ندى القلعة

الصديق رمرم
العذوبة والحنان متلازمان لشخصيتكـ ، بجانب رفض القلعة
أذاً هذه الأغنية تتناسب معكـ ومع ذائقتكـ الجميلة
لكـ مودتي

[السموأل حسان أبوعاقله]

الرائع صديق

تحفة ممتعة ومفاجأة بكل المقاييس والله ... تعرف جاني إيميل قبل فترة بعنوان الكاشف وحاجة كده سوريا لكين ما فتحته في وقته وتاني ما رجعت ليهو وأظنه فيه الأغنية دي..

نحنا طبعا كلامنا ما بنشوف حلاته إلا في لسان الآخرين لما يجيهوهو

مش ناس "عليك الله يازول"..

أحلى حاجه طريقة نطق "جميل" بالجيم المعطشة...لا بد انه كان سيسعد لو سمعها وربما شاكست عبقريته فأبدع أشياء أخرى..

رحم الله العبقري الكاشف..





أسمر جميل عاجبني لونو
كحّل سواد الليل عيونو
***
عالي النخيل ما ضقنا تمرو
أسمر جميل ما حنّ عمرو
جسمي العليل إستحلى جمرو                                    
شرْع الغرام طايع لأمرو                                                              
***
أسمر جميل فتّان بريدو
كل الخلوق تتمنى ريدو
فن الدلال يا ناس بجيدو
عقد القلوب منظوم في جيدو
***
أسمر جميل فوق في سماهو
كل الخلوق ترغب ضياهو
سهم اللحاظ ساعة رماهو                                                
صاب القليب سالت دماهو
***
أسمر جميل فاق في الوسامه
صفوة جمال وجهو إبتسامه
فوق الخديد عاجباني شامه
ومن العيون ياالله السلامه
***
أسمر جميل عاجبني لونو
كحّل سواد الليل عيونو







والأغنية دي مناسبة خاصة عشان نترجاك ترجع لينا البوست الرائع الذي إفتقدناه وهو لحن الخميس.... والله كان من أروع البوستات وأتمنى إنك تقدر ترجع تنتظم فيهو تاني....


خالص المحبة